Rudi d'affons romontsch
Il rudi d`affons da Glion exista dapi igl onn 1992.
Ils affons visetan regularmein il rudi d`affons (1 - 2 ga per jamna) ensemen cun affons dalla medema vegliadetgna.
Il rudi d`affons porscha als affons la pusseivladad da far emprems pass da sedistaccar, d’anflar amitgs, da sescagnar e da puspei far pasch.
Far experientschas tras giugar, experiments ed acziuns communablas stattan el center da tuttas activitads dil rudi d’affons.
Las menadras dil rudi d`affons ein sepreparadas per lur sfida enten esser sezzas mummas, tras absolver la scolaziun ed ils cuors per menar in rudi d`affons ed entras seconfruntar cun litteratura adattada.
Il scomi d’experienzas e patratgs denter ils geniturs e la menadra dil rudi ein da gronda impurtonza, quei che permetta era d’emprender d’enconuscher meglier igl affon.
Nus selegrein da Vossa participaziun alla sera da geniturs ed ad ulteriuras occurrenzas.
En connex cun excursiuns ora el liber fussen nus engrazieivels per igl accumpignament da singuls geniturs.